Erfiður kosningavetur framundan!

Jæja, finnst nú þykir yfirstéttinni í Vg erfitt að ætla inn í kosningavetur með kraumandi umsóknina í Evrópusambandið og öll hin kosningasvikin í farteskinu? Það virðist æ ljósara með hverjum deginum, hvert hlutverk Vg var undir stjórn Samfylkingarinnar í vandlega skipulögðum áformum Evrópubandalagsins um að leggja Ísland undir "Ríkið" en það var að taka upp þráðinn frá hinum rómantísku tímum Æskulýðsfylkingarinnar, eða með öðrum orðum að vera einhverskonar borgarskæruliðar. Það hefur nefnilega, leynt og ljóst verið unnið að því hörðum höndum að koma þessu litla landi á hjara veraldar í efnahagslegt öngþveiti og gjaldþrot, sem óhjákvæmilega færði allar eigur og náttúruauðlindir þjóðarinnar í hendur erlendra kröfuhafa og þá hefðu þessar fáu sálir á skerinu ekki um margt annað að velja annað en að "þiggja" boð um vernd og stuðning ESB.
Í þessari frétt RÚV eru þær sérstaklega nafngreindar þær Katrín Jakobsdóttir og Svandís Svafarsdóttir. Þó þær tvær komist ekki með tærnar, þar sem leiðtogi þeirra hefur hælana í skemmdarverkum sínum, þá bara til að nefna einhver afrek, eða öllu heldur illvirki þessara kvenna, þá er nú síðast talað um glórulausa byggingu og rekstur Hörpunar. Þar var þó aðeins búið að grafa grunninn að "listaverkinu" þegar KJ tók ákvörðun um að halda áfram eins og ekkert hefði í skorist. Þá eiga þær sinn heiður í fyrirhuguðum jarðganga framkvæmdum í Vaðlaheiði og vilja ólmar sjá nærri 300.000 fermetra "hátæknispítala" við Hringbrautina. Þær samþykktu báðar að leggja Icesave byrðarnar á bogin bök landa sinna í atkvæðagreiðslunum á Alþingi og auðvitað voru þær sammála því að alþingisaðallinn fengi aukin hlunnindi á borð við ókeypis gleraugu,heyrnartæki o.fl. þ.h. sem fátækur almúgi og ellilífeyrisþegar geta varla látið sig dreyma um og auðvitað eru eftirlaun og öll framtíð þessara fyrrnefndu kvenna, auk flokssystkinna þeirra bæði með belti og axlabönd, svo ekki sé minnst einu orði á allar þær ónefndu sponslur og greiðslur sem "margir" óttast að renni úr duldum en digrum sjóðum EBS í vasa ístöðulítilla spilltra stjórnmálamanna, þar sem þörf er á, eins og sannarlega á við hér, hvað sem öðrum fullyrðingum mínum líður.

Vilja endurskoða ESB-umsóknina