Jónatan Karlsson

8.10.2011 | 18:14

Athugasemd við "Shakespearískt drama Ögmundar"

Bloggari, trommari m.m. að nafni Gunnar Waage skrifaði færslu undir þessum titli hér á moggabloggið í morgun. Þessi færsla gekk í fáum orðum sagt helst út á að þessi upptaka og skoðun Ögmundar Innanríkisráðherra á Guðmundar - og Geirfinns málum sé tilgangslaus tímaeyðsla, sem hafi þar að auki farið fyrir ofan garð og neðan hjá Gunnari, einhverra hluta vegna! Ég sá mig knúinn til að mótmæla þessari skoðun Gunnars og í það minnsta uppfræða hann um leiðir til að stækka sjóndeildarhringinn örlítið hvað stærsta sakamál Íslandssögunar varðar. Ég ætlaði nú reyndar aðeins að skrifa smá athugasemd við þessa skoðun Gunnars, en komst þá að því að ekki er gert ráð fyrir athugasemdum eða skoðanaskiftum á þessari einleiks síðu Gunnars. Það eru reyndar fleirri bloggarar sem hafa lítinn áhuga á skoðunum annara en þeirra sjálfra án þess að nefna nein nöfn, þó svo að einleiks þörf þeirra sé oft af öðrum og myrkari toga spunninn.

En aftur að áliti þínu á þessari tímabæru og ágætu framkvæmd Ögmundar. Ég furða mig á þessari skoðun þinni. Hvar hefur þú eiginlega haldið þig síðustu 37 árin? Hverju í ósköpunum ætti Innanríkisráðherra landsins að vasast í, fremur en að endurskoða þetta mesta hneyksli íslensks réttarfars. All flestir Íslendingar hafa verið og eru örugglega sama sinnis, nema auðvitað þeir sem hafa þá skoðun að embætti Innanríkisráðherra sæmi fremur t.a.m. að berjast fyrir bættum kjörum og lífeyri íslenskra þing - og embættismanna og að sjálfsögðu eru þeir nokkrir sem komu að þessu ljóta máli, sem vilja láta það liggja óhreyft, samvisku þeirra og mannorðs vegna. Fyrir þig og einhverja þá sem auðvitað hafa verið fæddir á þessum tíma en á óskiljanlegan hátt farið á mis við þessi stærstu sakamál og dómsmorð Íslandssögunar eru mörg færi á að kynna sér málið frekar, t.d. á ágætri samantekt Tryggva Hübners á vefnum: www.mal214.com

Flokkur: Stjórnmál og samfélag | Facebook