Mismunandi álit á aðstoð Kínverja

Ég las blogg Jóns Vals Jenssonar um þessa frétt og í því framhaldi athugasemdir nokkra skoðanabræðra hans sem voru þó skynsamlega afgreiddar og upplýstar með loka athugasemd frá Sigurjóni Pálssyni, sem er greinilega bæði sigldur og vel upplýstur, sem verður því miður ekki sagt um JVJ og molbúakór hans í þessu máli.

Það væri gaman að vita hvort fjárhaldsmenn Dahli Lama haldi úti standandi mótmælum í Aþenu þessa dagana gegn mannréttindabrotum í Kína, nú þegar Wen Jiabao heimsækir Grikki með fyrirheit um fjárhagsaðstoð. Þau mótmæli eru allavega ekki sjáanleg á fréttamyndum frá Grikklandi þessa dagana. Auðvitað sjá Kínverjar sér einhvern hag í að koma ár sinni vel fyrir borð út um víðan völl - þó það nú væri. Þeir eru nú ekki beinlínis fæddir í gær.

Það er skiljanlegt að ómerkilegur fjármálaráðherran sem berst fyrir að láta okkur Íslendinga axla skuldir óreiðumanna láti hafa eftir sér að honum hafi ekki þótt ástæða til að falast eftir stuðningi frá Kínverjum, vegna "óábyrgrar fjármálastefnu þeirra" en óskiljanlegt að JVJ skuli ekki gera sér grein fyrir að "launaðir" Evrópusinnar berjist gegn nánari tengslum og stuðningi frá þessu verðandi stórveldi og gengur því óbeinlínis erinda Evrópubandalagssinna.

Ástæður alþingiskonu Hreifingarinnar sem berst leynt og ljóst fyrir að angra og eyðileggja allar opinberar heimsóknir Kínverja hingað eru líklega því miður af fjárhagslegum ástæðum hennar sjálfrar, sem rann upp fyrir mér þegar hún svaraði spurningu fréttamanns RÚV í mótmælaaðgerðum við Kínverska sendiráðið um hvort hún hefði eytt miklum tíma í Tíbet með svarinu:" Nei, en ég var skiptinemi í Bandaríkjunum" 

Hvað Jón Val Jensson varðar, þá er ég honum sammála í flestum málum og held að hann sé einlægur og vænn maður, en ég mæli með að hann fari í pílagríms för til Kína, Bandaríkjana og líti á ástandið með eigin augum svo að hann geti borið saman ástandið heima fyrir hjá þessum risum áður en hann fjallar frekar um samanburðinn. Ég hef svona að lokum heyrt JVJ verja ýmiss grimdarverk Ísraelsmanna, en legg mig ekki niður við að fjalla um þá dökku hlið á honum.  

Kínverjar hjálpa Grikkjum