Óhollar fréttir fyrir almenning á Íslandi.

Íslenskir fréttamiðlar birta fréttir af heimsókn Pútíns til Norður Kóreu og er það örugglega í takti við fréttaflutning Reuter, BBC og spunameistara Pentagons.

Morgunblaðinu er auðvitað nokkur vorkun, þar sem þeir eru háðir styrkjum og meðlögum ríkisvaldsins og skiljanlega að því virðist lítil efni á alvöru blaðamönnum.

Öðru máli gegnir um RÚV, því þessum rándýra forneskjulega ríkisfjölmiðli fylgja nokkrar skyldur á borð við þá, að gæta hlutleysis í öllum fréttaflutningi.

Það verður þó að segja þeim tveimur fjölmiðlum sem ég tek sem dæmi til hróss, eða öllu heldur ritstjórunum vestanhafs, að bein ósannindi eru sjaldgæf, nema örsjaldan, eins og t.d. þegar að Covid-19 eitursprautu herferðinni illræmdu kom.

Þær aðferðir sem beitt er hjá þessum áróðurs málpípum eru fremur þær að fréttir sem ekki falla að ímynd þeirri sem dregin er upp fyrir almenning hér og auðvitað sömuleiðis á öðrum vesturlöndum, eru einfaldlega ekki birtar, né fjallað um á nokkurn hátt.

Flestir fullorðnir og einhvera hluta vegna fremur karlar, hljóta hreinlega að velta vöngum yfir fáum eða nær engum fréttum frá vígstöðvunum í Úkraínu og ekkert heyrist af róstum milli Kínverja og Tævana, eða mannréttindabrota í Tíbet eða annarstaðar í Kína eða Rúslandi um þessar mundir.

Helstu fréttir í Kína þessa dagana eru annars stóraukin viðskipta og stjórnmálatengsl landsins við Nýja-Sjáland og í beinu framhaldi Ástralíu og hvað Formósu eða Tævan snertir, þá eru öll tengsl eyjunar við móðurlandið stöðugt að þróast og styrkjast með gagnkvæmum hætti.

Önnur stór frétt sem lítið eða ekkert var fjallað um hér á Íslandi var að í byrjun þessa mánaðar var haldin í Pétursborg stórbrotinn fjármála-og viðskiptaráðstefna, þar sem leiðtogar og ráðherrar 139 helstu stuðnings-og viðskiptalanda Rússa tóku þátt.

Það er nánast grátbroslegt hvað margir ágætir Vesturlandabúar láta teyma sig til að trúa því að ástand mála í Bandaríkjunum og Evrópu sé einungis í tímabundnu smá ströggli.

Heimsmyndin er einfaldlega að breytast. Viðskipti S-Ameríku við Kína eru t.d. orðin fimmföld á við viðskipti þeirra við USA og Afríka er skiljanlega nánast öll á bandi Rússa og Kínverja.

Ungverjaland, Rúmenía og sérstaklega Serbía eru á fullri ferð í Belti og brautar áformum Kínverja og geta íbúar nú ferðast frjálst án áritunar milli landana, líkt og verið er sömuleiðis að ganga frá í þessum töluðu orðum hvað Ástralíu og Nýja Sjáland varðar.

Ef Stjórnvöld á Íslandi hættu að hugsa um eigin persónulega ávinning og létu sér fremur annt um stórbrotna framtíðar möguleika Íslands sem áhrifaríki í Norður-Atlantshafi, þá ættu þau ekki síðar en strax að sækja um pláss í röða þeirra mörgu ríkja sem séð hafa ljósið og sækjast eftir aðild að sambandi hinna 11 landa sem nú þegar mynda BRIKS ríkjasambandið.

Síðast en ekki síst, þá myndi umsókn að stórbrotinni Belti og braut áætlun Kínverja samstundis bjarga Íslandi frá yfirvofandi þjóðargjaldþroti og fullveldisafsali sem augljóslega vofir nú yfir.

Þakkaði N-Kóreu fyrir stuðninginn

Örstutt minning um látinn heiðursmann.

Ástæða þess að ég dýfi niður penna er sú, að í gær sá ég andláts og útfarar tilkynningu kærs samferðarmanns og í dag var birtur listi þeirra 16 íslendinga sem Forseti Íslands heiðrar fyrir framúskarandi framlag og störf þeirra á ýmsum sviðum.

Sumarið 1976 réði ég mig til starfa við fiskvinnslu á Þingeyri, líkt og tíðkaðist í þá daga. Þar uppgötvaði ég að líklega eru Vestfirðingar toppurinn á flóru mannlífs hér á skerinu, sakir jákvæðni og nándar.

Einn sá fyrsti sem ég kynntist í plássinu var einmitt Ingvar nokkur Guðmundsson, sem gaf sig á tal við nýja aðkomumanninn og kynnti mig fyrir öllum aðstæðum.

það sýndi sig fljótt að þessi geðfeldi ungi náungi var fremstur í flokki jafningja, því fyrir utan að vera sjálfskipaður talsmaður heimamanna, þá var þessi viðkunnarlegi töffari auðvitað líka söngvari og gítarleikari hljómsveitar bæjarins.

Næstu árin á eftir Þingeyrar sumrinu, þá rákust leiðir okkar á förnum vegi lítillega saman, bæði í Reykjavík og síðar í Danmörku, líkt og fyrir tilviljun og skynjaði ég þá að Ingvari var stöðugt byrjað að líða verr í sálinni.

Næst hitti ég Ingvar í kringum 1990 á Kleppsspítala, en þar hlotnaðist mér að starfa sem starfsmaður næsta áratuginn og þar hitti ég Ingvar aftur, en þar hafði hann hlotið skjól og öryggi eftir hremmingar geðklofans.

Aldrei á árunum á Kleppi, né áður eða eftir þegar ég hitti Ingvar, eins veikur og brotinn hann var, æmti hann né skræmti yfir óförum sínum og var ætíð sami ljúfi heiðursmaðurinn.

Ingvar var sannarlega einn af englum alheimssins.

Barbarossa hvatning Bjarna á 17. júní.

Þessi svokallaða hátíðaræða Bjarna Ben á Þjóðhátíðardaginn 17. júní 2024, var eiginlega allt annað en hátíðleg.

Þarna stendur trausti rúinn stjórnmálamaður frammi fyrir þjóð sinni og prédikar öðru fremur nauðsyn þess að ganga í takti við ályktanir félaga hans í NATO gegn óvininum í austri, sem minnir óneitanlega á auglýsingar stjórnvalda hjá mörgum þeim sömu vinaþjóðum hans, á blómaskeiði hernáms þjóðverja í Evrópu, nema hvað þá var hvatningin í orði kveðnu: Baráttan gegn Bolsévismanum.

Auðvitað gat Bjarni ekki annað en nefnt nokkur atriði á borð við jafnrétti og sjálfbæra nýtingu auðlinda, sem ástæða er til að gleðjast yfir, en öll þau atriði sem hann lét ósögð eru líklega þau sem eftir þessa ræðu hans standa.

Hann talaði einnig rjóður af innlifun um neikvæða umfjöllun samfélagsmiðla, skautum, netárásir, falsfréttir og ill undirróðursöfl sem láti í auknum mæli til sín taka.

Minnir ekki þessi ræða Bjarna að nokkru leyti á fræga ræðu Joseps Göbbels á síðustu dögum Þriðja ríkisins, þegar allt var í reynd tapað og komið í kalda kol, þegar hann boðaði: Volksturm?

Þakkaði Guðna og óskaði Höllu velfarnaðar

Vængstýft landslið.

Ég er alla jafna annálaður bjartsýnismaður, líkt og allir landsmenn mínir, sem treyja þorrann árið út og árið inn hér í vonlausri spillingu og frændhygli, á hraðri leið til fjandans.

Þetta karla landslið okkar í knattspyrnu, sem einungis fyrir fáum árum gerði garðinn frægan og hreinlega skóp milljarða tekjur beint og óbeint fyrir Þjóðarbúið og KSÍ er nú svipur hjá sjón og harla litlar líkur á sigri eða jafntefli gegn Englandi, heldur gætum við tapað sögulega stórt, þó 14 - 2 tapið um árið gegn Dönum verði vonandi ekki slegið.

Raunhæfur sigur öfga kerlinga yfir montnum karlrembu svínum gæti líklega skilað svona 7 - 0 tapi okkar efnilegu óspilltu sveina, án okkar bestu manna - ef vel gengur.

Við hverju má búast?

Óþolandi kuldi og afskiftaleysi þingmanna.

Það er ömulegt að enginn þingmaður sjái ástæðu til að krefjast þess að ríkisstjórn Íslands mótmæli af fullri alvöru svívirðilegu framferði gyðinga gagnvart varnarlausum íbúum Gaza.

Það virðist enginn allra þessara kjörnu fulltrúa þora, eða treysta sér til að krefjast þess að Ísland slíti stjórnmálasambandinu við Ísrael, því það er líklega öruggara með tilliti til frekari stjórnmálaframa, að leiða bara hugann að einhverju allt öðru.

Tugir drepnir í árás Ísraelshers á skóla SÞ

Siðvæðingar er þörf.

Varðandi hrun Vinstri grænna og brotthvarfs Katrínar Jakobsdóttur úr íslenskum stjórnmálum, þá kemur upp í hugann máltækið: Farið hefur fé betra.

Hvað fyrrverandi forsætisráðherra og forseta frambjóðanda snertir, þá er þess líklega brátt að vænta, að hún komi svo að segja út úr skápnum og snúi sér að sínum sönnu hjartans málum í þágu WHO, NATO, ESB eða annara vel borgandi atvinnuveitenda.

Kjör Höllu Tómasdóttur sýndi svo ekki verður um villst, að kjósendur margra ágætra frambjóðenda völdu fremur að kjósa taktískt, einungis til að koma í veg fyrir að spillingaröfl þau, sem eru á fullri ferð með að ræna þjóðarauðlindum okkar allra, með því að eignast sinn eigin stimpil vísan á Bessastöðum og vonandi verður Halla þess trausts verðug.

Nokkurir kolsvartir sauðir standa enn í vegi fyrir siðvæðingu íslenskra stjórnmála og fer þar auðvitað fremstur höfuðpaurinn sjálfur og örugglega illræmdasti og óvinsælasti pólitíkus Íslandssögunar, Bjarni Benediktsson, með Þórdísi Kolbrúnu og nokkra þæga hirðsveina á hælunum.

Arnar Þór Jónson og nokkrir aðrir frambjóðendur á borð við Ástþór og Steinuni Ólínu kveiktu í raun og veru bál það sem náði að stöðva formlega yfirtöku Bessastaða og munu vonandi með hjálp góðra úr öllum stéttum, flokkum og ómengaðra fjölmiðla á borð við Samstöðina og auðvitað Útvarp Sögu að keyra þessa siðbót áfram uns landinu verður borgið.

Vinstri græn gjalda afhroð í nýrri könnun

Fram fram fylking.

Ágæti Arnar Þór

Nú verður ekki aftur snúið, þó allt stefni í sigur Höllu Tómasar í forsetastól og var hún að mínu mati næst besti kosturinn á eftir þér sjálfum og fari svo, þá megi henni þá farnast vel.

Mér sýnist þú greinilega eiga þúsundir harðsnúinna fylgismanna, sem munu líklega hópast með þér í þann flokk sem þú kýst að fylgja, hvort sem um Miðflokk eða Flokk fólksins verður að ræða, því þótt hvorugir séu þeir óspjallaðir, þá hafa þeir hvor um sig margt gott til brunns að bera og því léttara að velja annan hvorn þeirra, en að byrja frá grunni á nýju afli.

Baráttuna gegn spillingunni og landsölunni verður nú að leiða innan úr sölum Alþingis og leiða það aftur til þess vegs og þeirrar virðingar sem núverandi fulltrúar hafa gloprað niður.

Lengi lifi Ísland.

Væntir þess að skilaboðin nái í gegn að lokum