Lausleg ágiskun um framtíðarhorfur Miðflokksins.

Líklega kemur þessi ákvörðun Gunnars Braga of seint fyrir trúverðugleika Miðflokksins, því það er deginum ljósara að það er frægt fyllirí kennt við Klaustursbar fremur en framganga kappans í sviðsetningu valdaránsins í Kænugarði og sorglegra eftirmála þess fyrir íslenskt þjóðarbú, sem tærði hann loks upp, fremur en að hann aflaði sér nokkurn tíma sjáanlegra óvinsælda flokks systkina sinna, sem segir allt sem þarf um innræti þeirra.

Reyndar eru einstaklingar innan Miðflokksins sem virðast heilir og sannir föðurlandsvinir, en spurningin sem liggur í loftinu að Gunnari gengnum er auðvitað hvort heillindin séu í orði eða borði.

Talandi um afdrifaríkt fyllirí og kvenfyrirlitningu, þá hef ég hálfpartin verið að bíða eftir, nú í anda síðustu metoo opinberana að svokallaðar grúpíur síðustu áratuga stigju fram og ásökuðu aumingja Mick Jagger og öll hin átrúnaðar goðin um að hafa tælt þær blá-saklausar stúlkurnar með dónasöng og mjaðma hnykkjum til að eltast við þá yfir allar mögulegar hindranir og er reyndar ekki annað að sjá að sú karlrembu spá sé einmitt að byrja að rætast á síðum mbl.is í dag.


mbl.is Gunnar Bragi hættir á þingi í haust
Tilkynna um óviðeigandi tengingu við frétt

« Síðasta færsla | Næsta færsla »

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband