Ófrumlegur gjörningur, en ágætt dæmi um tvískinnung yfirvalda í Reykjavík.

Ef ég er ekki að misskilja "pointið" þá gekk listsköpunin út á það að listamaðurinn nýtti sér unga og nakta kvenlíkama sem þátt í einhverskonar myndlistaverki sem ég leyfi mér nú að álíta að væri harla lítilfjörlegt án kvennana.

Annar "listamaður" vakti sömuleiðis nýlega hrifningu íslenskra fjölmiðla er hann notaði tippið á sér sem pensil þegar hann málaði myndir sínar.

Svona della snýst auðvitað um allt annað en myndlist, en er tekin góð og gild af ríkjandi viðhorfum, á sama tíma og smekklegir nektardansstaðir eru nánast bannfærðir.

Væri það e.t.v. möguleg málamiðlun að bjóða eftirsóknarverðum erlendum ráðstefnugestum upp á listrænar sýningar á borð við þær fyrrnefndu með ákveðinni "listrænni" nánd eftir að löngum og leiðinlegum fyrirlestrum dagsins lýkur, því eins og staðfestur fjöldi vændiskvenna miðað við íbúatölu í Brussel sannar, þá eru það holdsins lystisemdir sem bústnir ráðstefnugestir þarfnast og þrá allra helst á milli hefðbundinnar dagskrár.

Verður ekki einfaldlega að virða kröfur þær og þarfir sem fylgja því að selja Reykjavík og Ísland sem alþjóðlegt ráðstefnusvæði, með öllum þeim kostum og göllum sem þeirri starfsemi fylgja?

Líkamarnir pensluðu í Gamla bíói