Línur skýrast

Stórsigur Hönnu Birnu í Reykjavík gefur skýr merki um það sem koma skal. Í næstu kosningum mun Hanna Birna leiða flokkinn til stórsigurs, ef landsfundurinn ber gæfu til að brjóta odd af fornaldarlegu oflæti, þrátt fyrir óumflýjanleg særindi og velur hana til afgerandi forystu. Staða íslenskra stjórnmálaflokka er þó þannig um þessar mundir, að jafnvel þó sjálfstæðismenn byðu fram undir forystu fölnaðar ljósmyndar í komandi kosningum, þá myndu þeir, eigi að síður uppskera flest atkvæðin.
Athyglisvert er líka háðuleg útreið helsta vígamanns og handbendis formanns Vg hér sunnan heiða. Vænlegast til framhaldslífs í stjórnmálum fyrir ráðvilta frambjóðendur Vg er að þeir komi hreinlega "út úr skápnum" og sameinist samfylkingu Evrópusinna.
Þriðja aflið og það eina sem gæti ógnað einveldi Sjálfstæðisflokksins er enn sem komið er eingöngu huglægt, en hvíslið í húsasundum og skúmaskotum er að verða að heyranlegum klið, en það gengur í stórum dráttum út á að hópur valinkunnra Íslendinga sameinist undir íslenska fánanum og stofni þjóðhollan stjórnmálaflokk, sem gæti augljóslega borið hag alþýðu manna fyrir brjósti, fremur en eigin bitlinga pot og sérhagsmuna samtök, líkt og meirihluti alþingismanna stunda augljóslega, því miður, leynt og ljóst, nú um stundir.

Lokatölur í Reykjavík