Hneyksli ef Icelandair kaupir eignalaust WOW air dýrum dómum.

Það virðist helst uppi á borðum þessa dagana að ríkis lágfargjalda flugfélagið Icelandair kaupi annað eignalaust og líklega yfirskuldsett félag í sama geira og greiði rúm fimm prósent af tuga eða hundraða milljarða eignum sínum fyrir það.

Þessi ótrúlegi gjafa gjörningur er nú á borði Samkeppnisstofnunar, sem eins og allir vita er álíka rotin og gagnslaus stofnun og t.a.m. Ríkisendurskoðun, Fjármálaeftirlitið og auðvitað ríkisstjórnin öll að viðbættum öðrum liðleskjunum við Austurvöll.

Þessi viðskipti sem örugglega eru í boði lífeyrissjóða landsmanna gætu í versta falli leitt til næsta hruns og endaloka íslensks eignarhalds á millilandaflugi.

Að lokum þá ráðlegg ég fremur Icelandair í daglegum kröggum og basli þeirra, að fækka um tvo til þrjá í fríðum flokki flugþjóna um borð, því þjónustan frá því að Flugleiðir voru virðulegt áætlunarflugfélag er nú nánast engin og hálf vandræðalegt að horfa á einar fimm fullfrískar konur þiggja laun fyrir það starf sem tvær duglegar flugfreyjur færu létt með.


mbl.is Fullyrt að vélum WOW air fækki
Tilkynna um óviðeigandi tengingu við frétt

Bloggfærslur 25. nóvember 2018

Innskráning

Ath. Vinsamlegast kveikið á Javascript til að hefja innskráningu.

Hafðu samband