Nýr seðlabankastjóra kandítat?

Það eru reyndar liðin nokkur ár frá bankaráninu mikla, eða hinu svokallaða hruni, eins og sumir kjósa að kalla það, en samt eru nokkur andlit sem greypt eru í minninguna og þar er einmitt andlit Ásgeirs Jónssonar ofarlega á blaði mínu.

Ég man svei mér þá ekki betur, en einmitt þessi Ásgeir hafi verið einn af helstu talsmönnum bankaræningjanna og sá hinn sami sem hvað oftast var teflt fram sem traustum fræðimanni í þeim fróma tilgangi að ljúga því að almenningi að þessar sömu fjármálastofnanir væru traustsins verðugar og 100% leið til að ávaxta sparifé það allt sem venjulegt fólk ætti yfir að ráða.

Spurningin er því hvort taka tvö er um það bil að hefjast?

Kjarabaráttan snýst ekki um staðreyndir

Ríkisstjórn ber tafarlaust að axla ábyrgð og stíga til hliðar.

Þegar ríkisstjórn og ráðamenn Íslands þáðu ríkulegar launahækkanir Kjararáðs daginn eftir kosningar, þá tendraði yfirstétt þessa lands kveikiþráðinn að þeirri sprengju sem nú er um það bil að springa í andlitið á okkur öllum með ótrúlegum kostnaði og fórnum.

Eina lausnin eru tafarlausar kosningar, þar sem þjóðinni er gefin kostur á að velja nýja leiðtoga sem bjóða upp á annað en hefðbundin svik og pretti.

Það hjákátlega við þessa grafalvarlegu stöðu mála er að nokkuð líklegt má teljast að ef ríkisstjórnin hefði ógilt dóm kjararáðs og valið að þiggja launabætur í takti við allan almenning, þá hefði aldrei komið til þessa ástands sem við stöndum nú frammi fyrir.

Viðræðum slitið í dag?

Á að einkavæða fangelsi?

Á hverjum einasta degi les maður fréttir af umferðarslysum, þar sem dópaðir og ölvaðir einstaklingar fá að leika listir sínar í umferðinni oftar en ekki á stolnum eða ótryggðum ökutækjum - flestir þegar sviptir ökuréttindum ævilangt, en ítrekað eru þessir skaðvaldar látnir lausir og saklausir skattgreiðendur látnir sjá um að greiða tjón og allar sektir og bótagreiðslur glæpamannsins, því hann er lang sjaldnast ekki svo vitlaus að honum komi til hugar að greiða sjálfur, enda líklega á ævilangri örorku, líkt og á víst við um marga, eða jafnvel flesta þessa góðkunningja lögreglunar.

Hér á Íslandi vilja áhrifamenn ólmir einkavæða öll fyrirtæki sem hægt er að auðgast á, en einmitt fyrirbæri eins og fangelsi og aðrar endurhæfinga stofnanir sem eftir því sem ég best veit, skila stjarnfræðilega slökum árangri, eru rekin á framfæri ríkisins með ógryni starfsmanna og sérfræðinga án sjáanlegs árangurs, eins og staðfestar tölur um endurkomu fanga og auðvitað þessar daglegu fréttir sanna - þennan rekstur á ríkið (við) endilega að sjá um.

Fangelsi hlýtur að eiga vera þannig staður, að þegar fangi hefur lokið afplánun heiti hann sjálfum sér því, að þangað ætli hann aldrei að koma aftur.

Handtekinn eftir umferðarslys

Ekki svo vitlaust.

Nú keppast allir málsmetandi talsmenn hinna ýmsu stofnana við að lýsa vanþóknun sinni á nýjustu hækkunum bankastjóra Landsbankans, en minnast nú lítið eða ekkert á fjörtíu prósenta hækkun kjararáðs fyrir nokkrum mánuðum síðan.

Nú í aðdraganda kjarasamninga er það líklega ekki svo vitlaust að draga þessa síðustu hækkun bankastjórans til baka, svo heimskur lýðurinn hætti að ergja sig á höfðinglegum kjarabótum landsfeðrana - sem örugglega stendur ekki til að hrófla við.

Ósátt við „vitleysishækkun“

Fannst skuld Birnu bankastjóra nokkurn tíma?

Er þessi Birna bankastjóri ekki sama Birna bankastjóri sem fjallað var um að hefði verið svo stálheppin að öll gögnin um milljarða lán hennar týndust í hruninu?

Voru þau virkilega bara týnd og tröllum gefin?

Hafði frumkvæði að eigin launalækkun

Bestu hugsanleg úrslit.

Fyrri undanúrslit hinnar umdeildu Evruvision keppni voru haldin í Háskólabíói í gærkvöldi og er full ástæða til að óska aðstandendum og þátttakendum til hamingju með vel útfærða keppni.

Úrslit kvöldsins voru þau að lögin sem kjörin voru til að fara í úrslit, voru annarsvegar glæsilegt hefðbundið söngatriði Heru Bjarkar og hinsvegar hrár og ögrandi flutningur Hatara.

Burt séð frá niðurstöðu lokakeppninar í Laugardalshöll, þá er alveg öruggt að söng dívan Hera Björk mun hafa nóg að starfa á komandi mánuðum og árum, en skemmtilegast væri þó ef litla Ísland gæti sent hernáms óþokkunum í Ísrael ögrandi Hatara fingur.

Hatari og Hera í úrslit

Katrín er dæmigerða músin sem læðist.

Katrín Jakobsdóttir og Steingrímur leiðarljós hennar ásamt þeirra dyggustu fylgismönnum hafa á síðustu tuttugu árum náð að setja fangamark sitt á íslenska sögu, en ef grannt er skoðað, þá eru afrek þeirra ekki beinlínis til að stæra sig af.

Ég ætla nú ekki að telja upp svik þeirra og óþokkabrögð, en læt nægja að minna þetta bræðralag á - að þúsundir Íslendinga hugsa þeim þegjandi þörfina fyrir ódæðisverk sín.

Stolt af að þora að taka óvinsæla slagi

Undarlegt sjónvarpsviðtal í Silfri Egils.

Eftir að hafa horft á Silfur Egils í dag, þá finnast mér þessar kynferðisákærur allar á hendur Jóni Baldvin minna óþægilega mikið á samræmdar atlögurnar gegn Sigmundi Davíð og enn fremur gegn bandaríska hæstaréttar dómaranum Brett Kavananaugh.

Þáttastjórnandinn var líka einum of æst og hafði greinilega full mótaða skoðun fram að færa.

Heimsóknin hafi verið sviðsett

Malbiksholur, veggjöld og dauðadæmd pálmatré.

1) Nú stendur til að hefja tvöföldun vegakaflans milli Selfoss og Hveragerðis og óttast ég að sú framkvæmd verði framkvæmd með sama sleifarlaginu og tíðkast hér, sem einfaldlega kallar á stórfelldar og rándýrar endurbætur að fáum árum liðnum.
Hjá skynsömum menningarþjóðum á borð við Kína og Þýskaland virðast vegir og hraðbrautir endast margfalt lengur, þrátt fyrir öfgafyllri hitasveiflur, en ástæðan er einfaldlega sú, að ofan á hefðbundið þjappað grús undirlag vegarins og undir efsta malbikslaginu er u.þ.b. 20 sm. steypulag, sem skýrir ljóslega burð og margfalda endingu vegarins.

2) Þessa dagana er hart barist fyrir að leggja auknar byrðar á þrautpínda skattgreiðendur og kalla þær veggjöld. Ástæðan er sögð vera sú að nú verði bara að drífa í umbætur í vegamálum.
Helstu rök þeirra Sigurðar Inga og Jóns Gunnarssonar fyrir viðbótarskattinum eru þau að þessar aðkallandi umbætur spari þjóðfélaginu þegar upp er staðið fúlgur fjár, en væri þá ekki einfalt að sleppa veggjalda plokkinu og láta einfaldlega allar þessar umtöluðu fúlgur sem sparast greiða framkvæmdana.

3) Að síðustu get ég ekki annað en varað við þeirri fáránlegu hugmynd að ætla að reisa tvo gler sívalninga með sitt hvoru lifandi pálmatrénu í nýju íbúðahverfi hér í borginni.
Það er augljóst að eftir nokkur ár verða aumingja trén steindauð og hið svokallaða listaverk loks fjarlægt eftir að hafa staðið þarna allt of lengi til minningar um verklag núverandi borgarstjórnar.
Það gæti þó alveg hugsast að tvö falleg grenitré á sömu staðsetningu gætu verið falleg og til sóma.

Ræða pálmatré og Klaustursmálið