Til hamingju sjálfstæðir menn og konur.

Afgerandi sigur Eyþórs Arnalds í kosningu Sjálfstæðismanna í Reykjavík um leiðtoga í komandi borgarstjórnarkosningum lýsir öðru fremur augljósri óánægju Sjálfstæðismanna á störf núverandi borgarfulltrúa, þrátt fyrir langa starfsreynslu þeirra, þægilega framkomu og kynferði.

Eins og margir vita, þá eiga Reykvíkingar það sameiginlegt með öðrum Íslendingum og reyndar jarðarbúum öllum, að karlar og konur eru mjög álíka fjölmenn.

Þessi jafna skipting kynja, auk fullkomins jafnréttis hér á landi hlýtur að leiða til þeirrar ályktunar að réttast er að fulltrúar okkar allra séu valdir á lýðræðislegan hátt, en ekki mismunað eftir kynferði, eins og enn tíðkast hér á landi.

Augljóst er eins og talning atkvæða sýnir að öflugar og sjálfstæðar konur og karlar í Reykjavík vilja enga aumingja mismunun, heldur öllu fremur jafnræði og réttlæti byggt á kjörþokka óháð kynferði.

Nú er leiðtoginn fundinn, svo ég skora á Sjálfstæðisfólk í Reykjavík að veita hinum nýja leiðtoga vald og frjálsar hendur til að velja hópinn til sigurs í vor og bjarga borgarbúum frá myrkraverkum og feigðarflani gjörspilltrar núverandi Borgarstjórnar.

Eyþór langefstur með 2.320 atkvæði

Hrópandinn í eyðimörkinni?

Ólíklegt verður að teljast að Viðar Guðjohnsen nái efsta sæti í oddvitakjöri Sjálfstæðisflokksins á laugardaginn, en beinskeytt rödd hans gæti örugglega hrist Samfylkingar slenið af fyrirsjáanlegri uppstillingu efstu einstaklinga listans, ef fulltrúa ráðið þá þorir.

Öruggt verður að teljast að Sjálfstæðismenn í Reykjavík velji breytingar og velji því Eyþór Arnalds til forystu.

„Lífið skipuleggur sig sjálft“

Löggulíf á Íslandi.

Þessi frétt af afrekum lögreglu s.l. nætur segir ljóta sögu, en ekki hvað þessa umferðarbrotamenn varðar, heldur fremur sleifarlag og máttleysisleg handtök þeirra aðila sem þiggja laun fyrir að gæta laga og reglu.

Ég veit ekki hvort um er að kenna feminiskum áhrifum innan löggæslunnar, sem virðist reyndar blómstra þar líkt og í fleirri atvinnugreinum, en þetta augljósa virðingarleysi sem margdæmdir ökuníðingarnir sýna yfirvöldum ítrekað, ber augljósan vott um að þeir hvorki virði, né óttist að verða gripnir glóðvolgir.

Þessi mjúku, móðurlegu handtök sem hér eru viðhöfð, tíðkast hvergi annarstaðar í heiminum, ekki einu sinni í Færeyjum og engin þörf á að telja upp önnur ríki sem kunna rétt tök á afbrotamönnum, því þetta vita reyndar flestir Íslendingar.

Það er auðvitað hægt að mjálma um niðurskurð og sparnað, en vandamál yfirvalda allt frá Hæstarétti og niður úr, eru nefnilega gömul sannindi, en þau eru að virðing er áunnin og því ekkert einkennilegt að laglegum löggustelpum og strákum sé aðeins gefinn fingurinn, þegar orðspor yfirvalda er eins laskað og aumkunnarvert og raun ber vitn

Vopnaður og dópaður undir stýri

Til hamingju Reykjavík.

Ég verð að óska Reykvíkingum og auðvitað sérstaklega Sjálfstæðismönnum til hamingju með þá ákvörðun Eyþórs Arnalds að gefa kost á sér í þessari leiðtoga kosningu.

Þó núverandi borgarfulltrúar D lista eigi sínar góðu hliðar, þá er afstaða Áslaugar til skipulags og framtíðar Reykjavíkur flugvallar þekkt og óásættanleg, en Kjartan einfaldlega of ljúfur og meðfærilegur, þó bæði verði að teljast reyndir og góðir liðsmenn.

Aðeins einn annar Sjálfstæðismaður gæti skákað Eyþóri í þessu kjöri, en það er auðvitað hinn vinsæli bæjarstjóri í Vestmannaeyjum, Elliði Vignisson, sem virðist þó ætla að bíða rólegur síns tíma.

Með Eyþór í broddi fylkingar, álít ég að dagar Dags séu taldir og ráðdeild og skynsemi muni brátt leysa af hólmi alla óstjórn og spillingu í Ráðhúsi Reykjavíkur.

Eyþór vill leiða í Reykjavík