Tillaga að sterkri stjórn.

Tillaga að sterkri stjórn.

Val kjósenda og kosningaloforð framboða í ljósi núverandi ástands á Íslandi kallar hreinlega á samstarf D, B, M og F og væri þá auðveldlega hægt að ímynda sér eftirfarandi skipan ráðherra:

Forsætisráðh............ D..... Bjarni Benediktsson
Utanríkisráðh............B......Lilja Dögg
Fjármálaráðh............M......Sigmundur Davíð
Landbúnaðarráðh......B......Sigurður Ingi
Dómsmálaráðh..........D......Sigríður Andersen
Heilbrigðisráðh.........M......Gunnar Bragi
Félagsmálaráðh..........F.......Inga Sæland
Umhverfisráðh...........B.......Halla Signý
Iðnaðar/viðskiptaráð..D.......Þórdís K.R.
Menntamálaráðh........D.......Guðlaugur Þ.
Innanríkisráðh............F........Karl Gauti
Ferðamálaráðh...........M......Anna Kolbrún

Inga segir flokkinn óbundinn

Kennedy var hreinlega skotinn eins og hundur.

Það er óhætt að fullyrða að framundan sé heimssögulegur atburður, en þar á ég auðvitað við að á næstu dögum verði öll leyniskjöl varðandi morðið eða réttar sagt aftökuna á John F. Kennedy gerð opinber.

Það dæmigerða við þessa fyrirhuguðu forsetatilskipun n.k. fimmtudag er sú staðreynd að Donald Trump er nú álíka hataður og Kennedy var af öflugum andstæðingum utan sem innan stjórnsýslu Bandaríkjanna.

Meirihluti Bandaríkjamanna og allra þeirra er fylgdust með eftirmálum skotárásarinnar í Dallas 1963 eru sammála um að Lee Harvey Oswald hafi ekki verið einn að verki og líklega ekki hleypt af skoti, þó hann að öllum líkindum hafi haft einhver tengsl við samsærið, líkt og reyndar á líka við um banamann hans Jack Ruby.

Mögulegar ástæður þess að Kennedy varð að drepa voru nokkrar og má þar helst telja áform hans um að draga úr stríðsrekstrinum í Vietnam, auk þess að hann hafði ekki stutt við misheppnaða innrásina í Svínaflóa á Kúbu, eða fyrir að hafa krafist rannsóknar og stöðvunar kjarnorkuáætlana Davíðs ben Gurion í Dimona í Ísrael svo eitthvað sé nefnt og ekki má gleyma fyrirhugaðri baráttu hans og dómsmálaráðherrans bróður hans gegn skipulagðri glæpastarfssemi og augljósri óbeit hans á mönnum á borð við Edgar Hoover og Allan Dulles.

Það má telja öruggt að um þrjú skotlið hafi verið að ræða sem létu skotunum rigna yfir varnarlaust skotmarkið í aftökunni á Dealey Plaza 22. november 1963, sem hingað til hefur verið leynt og hylmt yfir af bandarískum stjórnvöldum.

Leynigögn um morðið á JFK gerð opinber

Ómarktækar skoðanakannanir?

Nýlega skaut skoðanakönnun kleinuhringjaverslunar hér í Reykjavík öllum helstu skoðanakönnunar fyrirtækjum ref fyrir rass í kosningaspá sinni, sem er einfaldlega sönnun þess hve ómarktækar þessar dýru vísindalegu kannanir eru í raun og veru.

Það er þekkt staðreynd að hægt er að panta hentugar niðurstöður hjá þessum fyrirtækjum sem sérhæfa sig á þessu sviði og mætti því álíta að helsta snilli þessara sérfræðinga snúist helst um val á útvöldu úrtaki viðmælenda og ekki síður framsetningu spurninganna.

Eitt lýsandi dæmi um áreiðanleika eins af þessum fyrirtækjum sem enn þykir fínn pappír í þessum bransa, var í síðasta góðæri fengið til að verðmeta SPRON í aðdraganda skrásetningar á markað í Kauphöllina og var mat Capasent Gallup að virðið væri 60 milljarðar.
Upphófst þá mikil gleði og fréttist síðar að allir aðstandendur bankans og nokkrir aðrir góðborgarar hefðu í skyndi selt öll bréf sín á hinum gráa markaði fyrir tugi og hundruði milljóna, en þegar SPRON síðan var skrásett, þá reyndist skrásett virði þess einungis vera u.þ.b. 16 milljarðar.

Þessi tvö dæmi um kleinuhringjabúðina og verðmiðann á sparisjóðnum gætu gefið tilefni til að gera kannanir á marktæki þessara fyrirtækja að komandi kosningum loknum, en ég læt að lokum eigin kosningaspá fylgja með:

Sjálfstæðisflokkur.............20%
Flokkur fólksins...............20%
Vinstri græn...................15%
Miðjuflokkur...................15%
Píratar........................10%
Samfylking.....................10%
Framsókn........................4%
Björt framtíð...................3%
Viðreisn........................3%

Vinstri grænir lækka flugið

Einföld spurning varðandi helförina.

Er ekki óhætt að fullyrða að án helfararinnar, hvort sem hún á við rök að styðjast eður ei, þá væri Ísraelsríki ekki til í dag?

Burt séð frá því, þá finnst mér að þessi réttarhöld yfir skoðunum þessar gömlu konu vera út í hött og aðeins til þess falinn að vekja upp efasemdir um trúverðugleika þessara hörmunga.

Dæmd í fangelsi fyrir að afneita helförinni

Hægri menn og heilbrigð þjóðernisstefna?

Það eru ýmiss teikn á lofti að vesturlandabúar séu búnir að fá sig fullsadda af kvenlægum social demokratiskum hugsunarhætti þó þær stefnur og öfga feminisminn tröllríði enn húsum og auðvitað hvergi líkt og hér á Íslandi, þar sem menn eru eins og allir vita ætíð kaþólskari en sjálfur páfinn í Róm.

Nú blasir það við okkur að heilu þjóðirnar og reyndar okkar helstu fyrirmyndir eru augljóslega að verða búnar að fá sig fullsadda af tvískinnung góða fólksins, sem þó í raun og veru er auðvitað ekkert annað en ill og eigingjörn klíka og einmitt þessvegna eru föðurlands og þjóðernisöflin loks tekin að rumska og byrjuð að stöðva þennan óheilla hugsunarhátt.

Að mörgu leyti eru Íslendingar með á nótum tækni og framfara, en á öðrum nótum höktum við tíu árum á eftir samanburðar þjóðum okkar og því óttast ég að almenningur muni enn leggja traust sitt í ríkum mæli á góða Samfylkingar, Vg og Pírata fólkið í komandi kosningum

Það er þó ætíð gott og gaman að eiga það til góða að geta núið þessu fólki um nasir einhverju sem áður var deilt um og miskunarlaust beitt hinni sígildu tilvitnun: Mannstu hvað ég sagði?

Stefnir í skarpa hægrisveiflu

Dökkar framtíðarhorfur fyrir jafna Íslendinga.

Það er réttilega ófrýnileg tilhugsun að Baldur og Konni, eða með öðrum orðum Steingrímur og Katrín nái hér völdum á ný.

Sannarlega sigldu Sjálfstæðismenn með áhöfn Framsóknar og loks Samfylkingar þjóðarskútunni í villur og strand, en að hruninu loknu, þá gekk enginn harðar fram í að veita særðum og útkeyrðum náðarskot í flæðarmálinu í sömu andrá og hann týndi tanngull og öll önnur verðmæti af örmagna fólkinu eins og einmitt þessi sami Steingrímur sem nú er aftur mættur til leiks með dúkkuna sína.

Fyrir Íslendinga í millistétt og alla minni máttar, þá er því miður fátt um fína drætti í þessum komandi kosningum, en þegar rökréttri útilokunar aðferð er beitt, þá standa eftir fimm framboð sem ekki virðast beinlínis eitruð fyrir framtíðarhorfur mikils meirihluta þjóðarinnar.

Af þessum fimm framboðum er líklega hægt að gleyma þeim þremur sem ekki auðnaðist að skrapa saman í framboð í öllum kjördæmum, þó öll hafi þau mikið til síns máls og kannski sérstaklega Þjóðfylkingin sem ein virðist þora að segja það upphátt sem margir eða jafnvel flestir hugsa, en hefur nú eftir síðustu fréttum endanlega dregið framboð sitt til baka.

Eftir standa tvö framboð sem öllum sönnum föðurlandsvinum ætti að vera óhætt að merkja við, en þar er ég auðvitað að tala um Miðjuflokk Svarta Péturs eða Sigmundar Davíðs Gunnlaugssonar og síðast en ekki síst Flokk fólksins, sem í gríni mætti segja að leiddur sé af blindri konu og höltum gömlum presti, þó í fúlustu alvöru megi segja að ekkert vanti upp á mælsku og heilindi þeirra Ingu, Halldórs og félaga.

Allir þeir sem velja þann kost að sitja heima og treysta sér ekki til að kjósa, eru því miður oft með því að styðja þann flokk sem berst ákafast gegn hagsmunum þeirra sjálfra, svo mætið og KJÓSIÐ

Íslenska þjóðfylkingin býður ekki fram

Ágæt upprifjun í aðdraganda kosninga.

Það er gott framtak Mbl o.fl miðla að minna kjósendur á afrek og innræti þeirra sem nú fegra sig og fabúlera um eigið ágæti og ræða þörf okkar kjósenda til að láta þau gæta hagsmuna okkar í hvívetna.

Ég vil einungis bæta við að þessi sami Bjarni Vafningur studdi ICESAVE III en eins og allir ættu að vita þá börðust VG og Samfylking fyrir því að láta Íslendinga axla ókleyfar ICESAVE byrðarnar með auðlindir okkar að veði, með því augljósa markmiði að neyða þjóðina til að leyta á náðir ESB og þá væntanlega gegn inngöngu okkar (á hnjánum) í Evrópusambandið.

Seldi í Sjóði 9 dagana fyrir hrun