Jólakveðja til þjóðníðings

Á Alþingi Íslendinga er rúmlega helmingur þingmanna sannarlega þjóðníðingar, en það voru eftirminnilega 33 þingmenn sem vildu knýja í gegn hinn svokallaða "Svafars samning" sem engum dylst nú að var sannkallað landráða plagg. Guði sé lof fyrir að Forseti vor hlustaði á landsmenn og neitaði að skrifa undir samninginn. Þessir landráðamenn sem vilja koma auðlindum Íslands í hendur útlendinga eru ekki svona illa innrættir eða vitlausir, heldur hafa einfaldlega verið keyptir. Þar að auki eru nokkrir þingmenn, sérstaklega stjórnarandstöðu að kaupa sér friðhelgi við áframhaldandi óþveraverk sín í að stela kvóta og kúlulánum til handa sér og sínum. Að lokum má síðan nefna, að á þessari ljótu samkundu sitja sannarlega nokkrir þeir sem uppvísir hafa orðið að lygum og þjófnaði en ómögulegt er að vera í senn þjófur eða lygari og heiðarlegur. Eftirfarandi níðvísa er jólakveðja mín til ódámana í liði þingmannanna, en sannarlega ekki minnihlutans sem öllu vilja fórna fyrir framtíð fósturjarðarinnar:

Farðu til djöfulsins, frá mér brott

forðist þú allt, sem heitir gott

Yfir þig dynji hefndarhríð

himinn og jörð þér risti níð

Fréttaskýring: Landið tekið að rísa þrátt fyrir Icesave

Athugasemdir

[Sigurjón, 11.12.2010 kl. 15:57]

Sæll Jónatan.  Beitt vísa hjá þér.

Góðar stundir.