Upplagt tilefni til árása.

Líklega er það rétt að verið sé að undirbúa aðra efnavopnaárás, en sá undirbúningur fer þó ekki fram í Sýrlandi, heldur er hann örugglega í höndum lævísra og undirförulla spunameistara helstu hryðjuverka skipuleggjenda jarðarinnar, en þar er ég auðvitað að tala um Bandaríkin, Saudi-Arabíu og síðast en ekki síst, Ísrael.

Það er reyndar nær því að geta kallast grátbroslegt að vel menntaðir og þokkalega upplýstir einstaklingar á Vesturlöndum sjái ekki í gegnum margar stórbrotnustu sviðsetningar þessara gráðugu þrjóta, sem uppfærðar eru á helstu fjölmiðla veitum og étnar upp af þeim minni, saman ber þessum, út um víðan völl.

Er það til að mynda ekki á allra vitorði að tilefni árásar og allra aðgerða Bandaríkjamanna og meðreiðarsveina þeirra í Írak voru lygar og tilbúningur og að öll vopn ISIS eru ættuð frá Bandaríkjunum, með viðkomu í Sauði-Arabíu?

Síðasta lygasagan sem nú er reynt að dreifa á alþjóðlega fjölmiðla er sú að Hamas samtökin á Gaza tengist ISIS, svo mig rennir grun í að það styttist í að þungvopnaðir ísraelskir gyðingar gefi sér rakið tilefni að láta hátækni sprengjunum enn og aftur, rigna yfir óvopnaða íbúa þessara sannkölluðu útrýmingabúða og það hentuglega í skjóli refsi-eldflaugaárása Trumps á Sýrland.


mbl.is Önnur efnavopnaárás í undirbúningi
Tilkynna um óviðeigandi tengingu við frétt

Aprílgabb eða eitthvað verra?

Ef 10.000 króna seðillinn, 5000 og fáséður 2000 króna seðillinn hefðu ekki verið hannaðir, framleiddir og síðan settir í umferð með hundraða milljóna kostnaði, þá væru rökin fyrir að ógilda þessa seðla e.t.v. marktæk, en þessi nýjustu áform þeirra Benedikts, Bjarna og Más geta því miður aðeins flokkast undir stórfelld afglöp eða spillingu.

Hagsmunatengsl þeirra frænda við helstu kortafyrirtæki landsins eru alþekkt líkt og segja má um alla þá einkavinavæðingu sem auðvelt er að ímynda sér í kringum alla þessa seðla útgáfu.

Ekki er hægt að halda því fram að yfirvöld og/eða Seðlabanki hafi ekki verið vöruð við framkvæmdinni, m.a. með skrifum og ábendingum hér á þessum vettvangi og erfitt er að trúa því að jafnvel glitrandi kókaín hugljómun næði óáreitt upp í gegnum allt framleiðslu ferlið, þannig að landlæga spillingar og einkavinavæðingin er að mínu mati, venju samkvæmt líklegasta orsök þessa nýjasta vafnings.


mbl.is 10.000 króna seðillinn úr umferð
Tilkynna um óviðeigandi tengingu við frétt

Til hamingju Útvarp Saga.

Þessi úrskurður Héraðsdóms Reykjavíkur er sannarlega ànægjuefni, þó ekki séu bætur háar.

Þessi dómur vekur vonir um að dómstólar landsins séu trausts verðugir, þó nokkur vafi hafi leikið á trúverðugleika þeirra á þessum síðustu og verstu tímum rétthugsunar.

Það er þó ekki ólíklegt að málinu verði áfrýjað og þá væntanlega til hins nýja dómsstigs, sem fær þá kjörið tækifæri til að sýna afstöðu sína í málefnum á borð við skoðana- og málfrelsi, sem þetta mál snýst auðvitað um.


mbl.is Stundin greiði Útvarpi Sögu bætur
Tilkynna um óviðeigandi tengingu við frétt

Hvert er hlutverk lögreglu?

Hlutverk lögreglu hlýtur samkvæmt orðanna hljóðan að vera að halda uppi lögum þeim og reglum er borgarar landsins greiða svo kölluðum lögregluþjónum laun fyrir að framfylgja.

Við daglegan lestur frétta á borð við þessa, þar sem sagt er frá afbrotamönnum stunda iðju sína nánast óhindrað og ítrekað, þá efast maður um að þessir svokölluðu lagana verðir séu starfi sínu vaxnir.

Hlutverk þessara einkennisklæddu ríkisstarfsmanna er að beita þeim aðferðum sem duga til þess að þetta afbrotafólk láti sér ekki koma til hugar að endurtaka leikinn.

Svo einfalt er það.


mbl.is Innbrot og ökumenn í vímu
Tilkynna um óviðeigandi tengingu við frétt

Íslenska módelið.

Það verður að teljast nær öruggt að önnur Hvalfjarðargöng samsíða þeim er fyrir eru verða aldrei annað en tilefni til að halda áfram að rukka fullt gjald, þó þau séu greidd og rúmlega það.

Eins og blasir við, þá er eini tálminn í göngunum á álagstoppum gjaldtakan og án hennar mætti eðlilega reikna með að umferðin rynni nokkuð þægilega í gegn.

Það má alveg benda á að þegar umferð úr Reykjavík í austurátt yfir Hellisheiði er mikil, þá nær bílaröðin við hringtorgið við Hveragerði lang leiðina upp Kamba og næsta röð myndast við Ölfusárbrú – og hvað með það? - Á að fara í milljarða framkvæmdir vegna þessara örfáu daga sem sem þessar aðstæður myndast?

Væri nú ekki skynsamlegra að skipta út hjólandi Borgarlínubjánunum í höfuðborginni og setja af stað einhverjar umferðarframkvæmdir sem þörf er á, líkt og segja má um hagkvæma útfærslu á Sundagangöngum og uppbyggingu samgöngumannvirkja við Reykjavíkurflugvöll.

P.S.
Óskaplega hefur Sprengisandi hrakað og alveg á mörkunum að maður nenni orðið að hlusta, nema þá helst ef Heimir hleypur í skarðið vegna forfalla.


mbl.is Ný göng óhjákvæmileg
Tilkynna um óviðeigandi tengingu við frétt

Theresa May segir að það sé allt of mikið umburðarlyndi í garð öfgahópa.

Loksins eru evrópskir stjórnmálamenn að gera sér grein fyrir hrapalegum mistökum sínum, þegar að linkind gagnvart flóttamönnum og svokölluðum hælisleitendum kemur.

Nú þegar virðast hryðjuverk þessara nýju íbúa og/eða afkomenda þeirra stefna í að verða vikulegar fréttir og fer ört fjölgandi, nákvæmlega eins og lá í augum uppi og búið var sjá fyrir og vara við.

Það er skiljanlegt að þessum þúsundum sé bjargað úr sökkvandi bátunum af mannúðarástæðum, en jafn óskiljanlegt að þeim sé siglt til Evrópu í stað þess að skila þeim í land, þaðan sem þau komu.

Ætlar einhver íslenskur stjórnmálamaður eða kona að hafa kjark til að stíga fram og ábyrgjast að okkar hælisleitendur fylgi ekki fordæmi trúbræðra sinna og fremji óafturkræf hryðjuverk hér á Íslandi, þegar skaðinn er skeður og of seint að bregðast við?


mbl.is Höfum verið of umburðarlynd
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband