Of seint að byrgja brunninn...........

Það er grátbroslegt að lesa þessi varnaðar orð ráðherrans fyrrverandi í ljósi þess að þúsundir og jafnvel milljónir manna líkt og undirritaður hafa reynt að vara við þessari aðsteðjandi ógn allt frá upphafi Arabíska vorsins, svokallaða.

Íslendingar gætu enn brugðist hart við þessari fyrirsjáanlegu hættu í ljósi landfræðilegrar legu landsins, ef þau hefðu vit og vilja til og ef yfirvöld skortir þor, þá gætu þau ætíð bjargað andlitinu og látið þjóðina ráða, líkt og þegar fyrrverandi forseti vísaði ICESAVE í þjóðaratkvæði - góðu heilli.

Mega eiga von á frekari árásum

Áleytinni spurningu svarað?

Staðreyndir benda til að neysla kókaíns fari fram í stórum stíl hér í Reykjavík og er ég þar að vitna til doktorsverkefnis efnafræðings sem byggðist á nákvæmum mælingum á frárennsli borgarinnar og í öðru lagi þá fer það ekki fram hjá hverjum stautfærum einstaklingi, að smygl á þessu yfirstéttar dópi fer hér fram í stórum stíl, því eins og liggur í augum uppi, þá er aðeins lítill hluti af efninu haldlagður af tollgæslu.

Það er á allra vitorði, að langt leiddir sprautufíklar, sem teljast víst vera u.þ.b. 700 talsins hér á landi, hafa ekki ráð á þessum lúxus, en láta sér nægja amfetamín og sérstaklega efni á borð við Ritalín eða annað læknadóp sem mæður eða feður óstýrilátra stofnanabarna selja til að drýgja framfærslu sína.

Fyrir síðasta bankahrun, þá var kókaín neyslan alveg á fullu, eins og menn rekur minni til, en nú þegar bankarnir hafa hægar um sig, veita þá ekki ótrúlegar framkvæmdir, fáránlegir draumar og hrikaleg fjárhagsstaða borgarinnar í það minnsta tilefni til að hringja einhverjum aðvörunarbjöllum?

Flugvöllurinn á útleið

Hæstiréttur er sjálfum sér líkur.

Ef ég skil niðurstöðu þessa dóms Hæstaréttar, þá er Matvælastofnun dæmd til að greiða matvælaframleiðanda með því lýsandi nafni, Kræsingar, 600 þúsund krónur fyrir að hafa upplýst grunlausa neytendur um eins augljós vörusvik og hægt er að ímynda sér á svokölluðum nautabökum fyrirtækisins, en við rannsókn kom í ljós að ekki fyrir fannst kjötarða, hvað þá heldur nautakjöt í girnilegri böku framleiðandans.

Þessi ótrúlega niðurstaða dómsins er auðvitað rökrétt hvað það varðar, að opinberun rannsóknar Matvælastofnunar virkar eflaust ekki sölu hvetjandi á nautabökur Kræsinga né aðrar vörur þeirra, en er það þá ekki neytenda sjálfra að velja eða hafna þessum framleiðanda?

Hæstiréttur er á framfærslu skattgreiðenda og ber því að gæta hagsmuna umbjóðenda sinna, sem eru í þessu tilfelli aðeins einfaldir böku neytendur, þó auðvitað megi líka minna á þann dimma skugga sem hvílir yfir þessari ríkisstofnun sem unir sér nú sem fyrr vel við dómsmorð Guðmundar og Geirfinnsmála.

Kræsingar höfðu betur gegn Matvælastofnun

Áfram Marine Le Pen.

Það er því miður líklegt að frambjóðandi alþjóða auðvaldsins muni bera nauman sigur ú býtum, en undirokuð alþýða manna er þó greinilega að vakna, líkt og síðustu dæmin frá Bandaríkjunum og Bretlandi sýna, þó það dugi tæplega til að frambjóðandi Rothchilda lúti í lægra haldi að sinni.

Ekki veit ég hvort Marine er ættuð frá Orleans, en það hriktir hreinlega í stoðum Evrópusambandsins þessar síðustu stundir, þar sem hlægilegum Rússa grýlum, fölskum skoðanakönnunum og alskyns öðrum hótunum er miskunarlaust beitt til að hræða óákveðna kjósendur til að kjósa ríkjandi ástand.

Þó almenningur á Vesturlöndum sé augljóslega búinn að fá nóg, þá virðast Íslendingar því miður enn jafn barðir og reiðubúnir að láta ójöfnuð og óréttlæti yfir sig ganga sem aldrei fyrr, eins og sjá má hvert sem litið er hér í spillingunni.

28,23% kosningaþátttaka í Frakklandi