Þessir bónusar eru aðeins lýsandi dæmi um viðvarandi spillingu.

Ástand spillingar og sjálftöku hér á Íslandi eru komið á það stig, að hér er talað og skrifað opinskátt um nafngreinda ráða- og áhrifamenn sem standa berleggjaðir á mykjuhaug verka sinna frammi fyrir alþjóð, án þess að þeir reyni að hylja nekt sína og verk, þrátt fyrir auðsveipa vildarvini í stétt þeirra embættismanna er gæta eiga laga og réttar.

Vafasöm verk og ákvarðanir nafngreindra ráðherra og æðstu yfirmanna ríkisstofnana eru t.a.m. sum hver með þeim hætti að einungis getur verið um stórkostlega vanhæfni eða að öðrum kosti um augljós óheilindi að ræða, þar sem lykilorðin eru á mannamáli: Þjófnaður og mútur.

Telja bónusgreiðslur óásættanlegar

Er “Flokkur fólksins” lifandi eða liðinn?

Hér á Íslandi búa tvær þjóðir sem flestir eru sammála um, nema ef til vill örfáir ofdekraðir pjakkar á borð við fjármálaráðherran og nokkra af hans líkum, sem álíta líklega í fúlustu alvöru að allir Íslendingar búi við jöfnuð og réttlæti.

Staðreyndin er reyndar sú að gömlu ráðaöflin tvö sem sitja við kjötkatlana á Alþingi, ásamt tvíeykinu sem síðast hefur helst verið kennt við Vg og Samfylkingu og þar áður Alþýðuflokk og Alþýðubandalag, auk dægurflugna á borð Þjóðvaka og Bjarta framtíð er ekkert annað en gjörspillt valdaklíka sem aðeins hugsar um að hlúa að hagsmunum vina og vandamanna sinna – eins og við blasir í öllum þeirra verkum.

Reglulega gefst þjóðinni kostur á að kjósa sér fulltrúa á Alþingi, en aftur og ítrekað kýs þjökuð og eignalaus alþýðan hagsmunasamtök eða flokka auðugra valdhafa og lætur blekkjast af innantómum loforðum eða hótunum og velur þvert á heilbrigða skynsemi einmitt þá sem viðhalda óréttlætinu.

Auðvitað spila hagsmunir erlendra ríkja, auk veiklundaðra embættismanna sem ganga kaupum og sölum einhvern þátt í ójöfnuðinum, líkt og mannkynssagan sýnir, en þegar á heildina er litið, þá vantar hér einfaldlega nýjan stjórnmálaflokk sem berst fyrir jöfnuði og hagsmunum þeirra u.þ.b. áttatíu prósenta þjóðarinnar sem hér eru hlunnfarinn.

Nú varpar “kerfiskallinn” Ögmundur Jónasson í aðdraganda kosninga á Sprengisandi Bylgjunnar þeirri hugmynd að hæstu laun verði aldrei hærri en þreföld þau lægstu, en er þessi tillaga hans trúverðug?

Geta nú þessir hugsjóna smáflokkar allir, sem sjaldnast ná fimm prósenta markinu og allir öflugu hugsjóna karlarnir á borð við Helga í Góu og Halldór í Holti ekki sameinað ofurkrafta sína og boðið fram sannkallaðan flokk fólksins og einfaldlega tekið rækilega til og hreinsað út alla spillinguna og hagsmunabröltið á Alþingi?

Sigmundur vill leiða flokkinn áfram

Alveg dæmigerð púðurtunna.

Það er alveg eftir bókinni (Kóraninum?) að boða til samstöðufundar með flóttafólki og hælisleitendum á Austurvelli á morgun klukkan þrjú, sem er á nákvæmlega sama tíma og Íslenska þjóðfylkingin hefur boðað til mótmælastöðu vegna samþykktar Alþingis á nýjum útlendingalögum.

Þessi áætlun og tímasetning “góða fólksins” er ágætt dæmi um þau sambúðar vandræði ólíkra menningarheima sem við okkur blasa um þessar mundir í nágranalöndum okkar og þau sömu og Íslenska þjóðfylkingin hugðist einungis náðasamlegast vekja athygli á og auðvitað vara við með fyrirhugaðri friðsamlegri mótmælastöðu við Alþingi þjóðarinnar.

Sýna samstöðu með flóttafólki

BREYTINGA ER ÞÖRF.

Það er ljóst að nokkrum þingmönnum er ekki til setunar boðið, því þeir horfast í augu við annað hvort að hafa verið endanlega hafnað af flokkseigendum, sbr. Vigdísi Hauks eða þá að sjá fram á háðulega útreið af kjósendum í komandi kosningum líkt og segja má um þau Illuga og Hönnu Birnu. Aðrir sjá ekki sinn vitjunar tíma, líkt og segja má um Gunnar Braga, sem svo augljóslega makaði eigin krók, þvert á þjóðarhagsmuni, þegar hann gekk erinda ESB og USA í uppreisninni í Úkraínu og það gegn lýðræðislega kjörnum stjórnvöldum – svona ef einhver skyldi ekki vita betur.

Það er reyndar ekki einungis kominn tími á að skipta út einstökum þingmönnum, heldur má þessi gjörspillti fjórflokkur allur með spillinguna og blinda eiginhagsmuna stefnu sína pakka saman og láta sig hverfa, því þessi þrautpínda og niðurlægða þjóð hlýtur að vera búinn að fá sig fullsadda.

Ný framboð á borð við Íslensku þjóðfylkinguna og enn fremur Flokk fólksins hljóta að verða þau framboð sem u.þ.b. 80% þjóðarinnar hafa augljósan hag af að kjósa í næstkomandi kosningum.

Tekist á um oddvitasætin

Hlutdrægni?

Haft er eftir íslensku sundkonunni Hrafnhildi Lúthersdóttur að henni finnist það réttlætanlegt að neita þeim Rússum sem fallið hafa á lyfjaprófi um þátttöku á þessum Ólympíuleikum, en nefnir þó í sömu andrá að fleirri íþróttamenn t.a.m. bandarískir og kínverskir hafi á lyfjaprófum, án þess að hún taki þó neina afstöðu gegn þáttöku þeirra á þessum sömu leikum.

Rosalega leiðinlegt mál

Hvað er kvennaskák, eða íslensk kvennaskák?

Ég spyr kannski eins og “fávís kona” en er ekki hefðbundin skák óháð kynferði eða kynvitund keppenda eftir sem áður?

Auðvitað er skákin karllæg hvað miskunarlaus dráp og mannfórnir snertir, en einmitt án grimmdar leiksins óttast ég að áhugi áheyrenda verði fljótlega í takt við mætingu þeirra á aðrar hefðbundnar karlaíþróttir sem stúlkur eru að hamast við, eins og við blasir á tómlegum áheyrendabekkjum.

Brautryðjandi í íslenskri kvennaskák

Aðal- eða aukaatriði.

Líklega hafa lesendur lítin áhuga á aldri eða upplýsingum um andlegt heilsufar árásarmannsins, heldur öllu heldur og aðeins þjóðerni hans í ljósi ástandsins í álfunni.

Árásarmaðurinn 19 ára