D,B og C – skásti kosturinn

Eina rökrétta samsetning nýrrar ríkisstjórnar er áframhaldandi samstarf Sjálfstæðisflokks og Framsóknarflokks með aðkomu Viðreisnar.

Viðreisn er reyndar sama súpan, þó með sína ótímabæru ESB drauma, því það er auðskiljanlegt að vel ættaðir og efnaðir Íslendingar vilji tryggja sjálfum sér og sínum nánustu skattlaust öryggi við kraumandi katla í Brüssel og Strassburg í stað jeppa og sjávarlóðar í einherju rok-rassgati hér á náskerinu.

Augljóst er að Íslendingar hafna með öllu vinstri stjórn í líkingu við þá er herjar á höfuðborgina, en þar fer Samfylkinginn með völdin, ásamt Vinstri grænum, Bjartri framtíð og Pírötum.

Það jákvæða úr þessum ótímabæru kosningum verður að teljast að Flokkur fólksins kemst á fjárlög og ætti því að geta byrjað á að undirbúa næsta framboð og auðvitað ætti flokksbrotið Dögunn loks að kyngja stoltinu og horfast í augu við þá staðreynd að nú í annað sinn í röð þá hefðu frambærilegir talsmenn þeirra með sínar frábæru hugmyndir betur hlustað á góð ráð og gengið til liðs við Flokk fólksins sem höfðar sannarlega betur til fjöldans og hefði nú líklega dugað fyrir þrem til fjórum þingsætum.


mbl.is Lágmark þriggja flokka ríkisstjórn
Tilkynna um óviðeigandi tengingu við frétt

Flokkur fólksins öruggur á Alþingi.

Síðasta könnun Gallup mælir Flokk fólksins með 3,4% fylgi og er það fyrir utan fylgi eldri borgara, sem ekki þykja víst marktækir í fínum skoðanakönnunum.

Fyrir alla þá sem ekki geta hugsað sér stjórnvöld í stíl við þau er sitja við katlana í höfuðborginni, né heldur hafa geð í sér til að merkja við bakstungu, svik og spillingu ríkjandi afla, þá er Flokkur fólksins líklega vænlegasti valkosturinn fyrir alla þá er vilja breytingar.

Ókosturinn við að sitja heima, eða skila auðu er að þá styður maður óviljandi við meirihlutann.


mbl.is Sjálfstæðisflokkurinn stærstur
Tilkynna um óviðeigandi tengingu við frétt

Veðja á dræma kjörsókn á laugardaginn.

Líklega eru þúsundir Íslendinga í þeim sporum, að þeir geta ómögulega stutt neitt framboð í komandi kosningum. Líklega lafa því núverandi stjórnvöld áfram með stuðningi einhvers smá-flokks sem viljugur er að selja hugsjónir og loforð fyrir lítið.

Auðvitað getur að mínu mati enginn heiðarlegur maður lagt nafn sitt við neinn þeirra spilltu flokka sem gjarna eru kallaðir fjórflokkurinn, svo ekki sé talað um smábrotin sem dreyma um frægð og frama með Evrópu sambands aðild.

Þá var eiginlega aðeins eftir Flokkur fólksins, en eftir að hafa heyrt formannin glaðbeitta reifa áform um byggingar heilu fjölbýlishúsana fyrir flóttamenn og hælisleitendur, þá blasti við að lítið yrði nú eftir handa íslensku smælingjunum, þó hugmyndin um að nýta skattfé lífeyrissjóðanna væri góð.

Líklega fylgist ég bara líkt og fjölmargir aðrir með þessum kosningunum úr öruggri fjarlægð.


mbl.is Enginn sáttmáli fyrir kosningar
Tilkynna um óviðeigandi tengingu við frétt

Vonbrigði á vonbrigði ofan.

Það á líklega við marga aðra en mig, nú viku fyrir kosningar, að stóra spurningin er einungis hvort við sitjum heima, eða reynum að finna illskásta kostinn á kjörseðlinum, því auðvitað kemur enginn gömlu spillingar flokkanna til greina og nýju valkostirnir vægast sagt ekki gæfulegir.

Fyrir aðeins örfáum dögum virtist vera um tvo valkosti að ræða fyrir þrautpíndan ótengdan skattborgara, en fyrst sýndi Íslenska þjóðfylkingin sitt raunverulega andlit og hreinlega koðnaði inn í sjálfa sig og síðan þá toppaði formaður Flokks fólksins samkeppni allra hinna flokkana um sem höfðinglegasta mótöku fyrir þurfandi jarðarbúa, þó byggja þyrfti heilu blokkirnar fyrir málefnið.

Í grunnstefnu Flokks fólksins er reyndar mjálmað um fátæka og aðþrengda íslenska kjósendur, en aðeins nándin við alla þessa stjórnmálaskörunga virðist hafa haft þessi líka göfugu áhrif á stefnumál flokksins á allra síðustu metrunum, en ég ætla að láta mér nægja að halda áfram að styrkja SOS-barnaþorpin í friði og leyfa Flokki fólksins að byggja ný blokkarhverfi, en án minnar aðkomu.


mbl.is „Fjandi lítið og lélegt fylgi“
Tilkynna um óviðeigandi tengingu við frétt

Er Morgunblaðið í dag orðinn hálf ómerkilegur snepill?

Það er t.a.m. spaugilegt að fylgjast með einörðum stuðningi blaðsins við síðustu árásir flokkseigenda Demokrata í Bandaríkjunum á Donald Trump, sem lýsa þó auðvitað engu betur en örvæntingu þeirra sjálfra.

Af gömlum vana oppna ég blaðið til að leita fregna af helstu fréttum sem ég hef haft spurnir af og er ég þar auðvitað helst að vísa til ótrúlegra vinnubragða ríkissaksóknara í samkrulli við Hæstarétt í sýknu úrskurði þeirra á borðliggjandi þriggja milljarða þjófnaði einhvers vildarvins þeirra – án þess að ég fari frekar út í það.
Önnur var sú frétt sem mig þyrsti í var sú að í gær eða fyrradag hefði sérsveit lögreglunar verið send að Krókhálsi 5, en eins og athugulir Íslendingar vita, þá er búið að opna þar aðstöðu fyrir glænýja hælisleytendur.

Hvoruga þessara áhugaverðu frétta var að finna stafkrók um í þessu fyrrum fréttablaði allra landsmanna, heldur voru það aðeins mjúkar fréttir af bangsa lækningum læknanema, ágæti kynorku og nýja reglugerð um fæðingarorlof – og síðan auðvitað nýjasta nýtt af kvenfyrirlitningu Donalds.

Eitt má þó Morgunblaðið þó enn eiga, en það eru fínar dánartilkynningar og afbragðs minningargreinar, en fréttamennskan og jafnvel einfaldar þýðingarnar eru til háborinnar skammar.


mbl.is Fórnarlamb ófrægingarherferðar
Tilkynna um óviðeigandi tengingu við frétt

Líkist helst örvæntingarfullri gagnárás.

Þessar hamslausu og greinilega samhæfðu árásir á Donald Trump vekja óneitanlega grunsemdir um að Hillary og klíka hennar búi sig undir erfiðar sjónvarps umræður í nótt.

Það er erfitt að geta sér til um hvernig Trump muni haga atlögu næturinnar, en líklegt virðist að flugumenn Hillary hafi haft veður af einhverju svo ógnvekjandi, að ástæða þyki til að dusta rykið af tíu ára gömlum karlrembu yfirlýsingum andstæðingsins og kick-starta estrogen flæði bandarískra feminista.

Það liggur í augum uppi að ef Hillary væri eins örugg á sigurbraut og fjölmiðlar vestanhafs láta, þá myndi hún ekki ótilneydd grípa til neðan buxnastrengs árása úr eigin brothætta glerhúsi – eða hvað?


mbl.is „Nóg komið!“
Tilkynna um óviðeigandi tengingu við frétt

Öruggt að kjósa Flokk fólksins og Íslensku þjóðfylkinguna.

Eftir réttar þrjár vikur gengur þjóðin til afdrifaríkra kosninga, sem krefjast þess að hver landsmaður nýti rétt sinn til að hafa áhrif á úrslitin.

Þessar kosningar gefa nú í fyrsta sinn þeim stóra hluta Íslendinga sem gjarna er kenndur við undirmál meða hinna efnameiri, kost á að koma eigin fulltrúum á þing.

Þúsundir Íslendinga munu kjósa breytingar og merkja við X-F, Flokk fólksins og öruggt verður að teljast að þeir mörgu sem leggja ofuráherslu á einarða gæslu landamæra, laga og réttar munu sömuleiðis tryggja X-E, Íslensku þjóðfylkingunni örugg sæti sæti á Alþingi.

Keyptar skoðanakannanir virðast sýna þorri þjóðarinnar muni kjósa óbreytt valdahlutfall silfurskeiðanna en án þess að fullyrða að sumar þessar kannana séu beinlínis falsaðar, þá eru t.a.m. allir eldri en 67 ára sniðgengnir í þessum könnunum.

Auðvitað ættu lítil framboð sem ítrekað í kosningum (ekki einungis í skoðanakönnunum) hafa sýnt og sannað áþreifanlega að þau hafa einhverra hluta vegna ekki þann kjörþokka sem krafist er, að brjóta odd af oflæti sínu og ganga af fullum þunga til liðs við X-F eða X-E og er ég þá auðvitað að höfða til ágætra félaga Alþýðufylkingar, Húmanista og Dögunar.


mbl.is Magnús Þór leiðir lista Flokks fólksins
Tilkynna um óviðeigandi tengingu við frétt

Lilja Dögg næsti formaður Framsóknar.

Nær öruggt verður að teljast að Framsókn með Sigurð í sæti formanns sé á leið inn í dimman dal og muni í besta falli verða á stærð við örframboð svipað Bjartri framtíð eða Dögun að þessum kosningum loknum.

Ef tíræður öldungurinn ætlar lifa atlöguna af og taka virkan þátt í íslenskum stjórnmálum næstu áratugi, þá verður sigurreifur sigurvegarinn að slíðra rýtinginn og stíga nú þegar til hliðar fyrir varaformanninum, því enginn einstaklingur er mikilvægari en flokkurinn – eða hvað?


mbl.is Sigurður Ingi kjörinn formaður
Tilkynna um óviðeigandi tengingu við frétt

Í dag kýs ungverska þjóðin sjálf um afstöðu hennar til flóttamanna vandans.

Í tilefni drottningarviðtals við Davíð Þór Jónsson, sem hefst á að hann segist hafa hent gamla sjálfinu í ruslið og lýkur loks á að hann óttist mest af öllu annara manna heimsku og óttavæðingu þeirra er setja vilja skorður við óheftan straum múslimskra karla til landsins.

Ég nenni ekki frekar að útlista áliti mínu á glænýjum presti góða fólksins í Laugarnesi, en minni hann og söfnuðinn aðeins á eftirfarandi málshátt:
“ put your money where your mouth is”


mbl.is Henti gamla lífinu í ruslið
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband